Triology
Godi Conference Song
Vertical
Behind The Lyrics (PDF)
In diesem Song singen wir von Gottes vertikaler Liebe zu uns Menschen. Er hat uns zuerst geliebt und nur deshalb können wir unsere Nächsten lieben.
“Wir lieben, weil Gott uns zuerst geliebt hat.“
1. Johannes 4,19
Gleichzeitig möchten wir Gott einladen und ihm die Ehre geben. Es ist unser Wunsch, seine bedingungslose Liebe Tag für Tag zu erleben und diese horizontal unseren Mitmenschen weitergeben zu dürfen.
Wir beten für unsere Region und darüber hinaus, dass dieses Lied ein Segen sein darf und junge Menschen für den Glauben an Jesus Christus begeistern kann.
EP - En Afang
En Afang
Vision.
Behind The Album (PDF)
Vier Songs. Vier Musigstil. Vier Botschafte. D Vision vode EP isch ganz klar druf glege zum zitgmässe Mundart-Worship komponiere, lebesnöchi Theme verarbeite und d Grenze sprenge wie Worship sött und chan töne. Als Godi Amriswil wünschemer üs, dass jungi Lüüt dur üsi Musig dörfed en Zuegang finde zum Christliche Glaube. S Album isch nochem Titelsong “En Afang” benennt, stoht allerdings genauso für en Neuafang im Sinn vo neuer, moderner Worship Musig.
Text.
Inhaltlich gohts unter anderem um Vergebig, insbesondere Vergebig vo wiederkehrende Sünde wie Sucht, Droge, Pornographie, Hass. Egal wie viel mol mir de glich Fehler begönd, solang mir miteme reuende Herz vor Gott chömed und üsi Sünde bekenned, vergit Er üs, jedes einzelne Mol. Glichzitig wömmer Gottes Name gross mache, Ihn fiire und proklamiere was de Name Jesus alles chan uslöse. Dankbarkeit isch ebefalls en wichtige Teil, womer Gott würkli wend Danke sege für all die Sache wo Er üs schenkt, üs glinge loht und üs versorgt. Im Gegezug wird au s Thema Chrankheit und Heilig ahgsproche. Es git Situatione, do loht Gott sache zue wo nöd i üsem Sinn sind. Trotzdem chömmer die Gwüssheit ha, dass er die absolut Kontrolle het über alles. AMEN!
Musig.
Musikalisch werded ebefalls verschiedeni Richtige ihgschlage. Es goht vo Gospel-inspiriertem Pop zu moderner 80s Synth-Pop Musig. Druf folged sehr jazzigi Vibes mit digitalem Touch und schliesslich en “klassische” Worship Pop Song mit sehr atmosphärische Kläng. Es söll zudem e Balance sie zwüsched Mitsing-Lieder und Songs wome au chillig chan allei lose 🙂
Din Name
Behind The Lyrics
Behind The Lyrics (PDF)
Knapp e Viertelstund hets brucht zum d Strophene vo dem Song schribe. Ursprünglich als langsami Ballade denkt gsi, isch schlussendlich en dopplet so schnelle 80s Synth-Popsong usecho. De Text vermittlet Ufbruchstimmig, goht vorwärts und schämt sich keis Bizli fürs Evangelium. E klari Botschaft kopplet mit freshe Beats leitet Worship ine musikalisch neui Richtig.
“Darum hat ihn Gott auch über alle Maßen erhöht und ihm einen Namen verliehen, der über allen Namen ist, damit in dem Namen Jesu sich alle Knie derer beugen, die im Himmel und auf Erden und unter der Erde sind, und alle Zungen bekennen, dass Jesus Christus der Herr ist, zur Ehre Gottes, des Vaters“
Philipper 2:9-11
De Chorus het ebefalls nöd lang brucht zum schribe, wegs unzähligi Sache git wo de Name Jesu bewürkt. Wobi es nöd de Name selber isch, sondern d Person wo dehinder stoht, Jesus Christus, Gottes Sohn. Er het s Gsetz erfüllt und üs Gottes Wohrheit glehrt. Vor Ihm müend alli böse Mächt flüchte. Dur sin Tod am Chrüz uf Golgatha dörfed mir ewig lebe. Die Botschaft wömmer fiire mit dem Song
Kein Tag, Kei Nacht
Behind The Lyrics
Behind The Lyrics (PDF)
Es isch wohrschinlich de persönlichsti Song uf dere EP. En schwere Chrankheitsfall ide Familie het min Glaube und mini Hoffnig ufd Prob gstellt. Monatelang isch für heilig betet worde und (schinbar) nüt isch passiert. Glichzitig list me im neue Testament wie Jesus reihewiis Lüt heilt, eis Wort und me isch gsund. Es gäbt unzähligi witeri Bispiel wos für üs Mensche unverständlich isch, worum Gott nöd igrift und Sache eifach zueloht. Und genau i dem inne mümmer üs bewusst mache, dass Gott trotzdem die voll Kontrolle het. Er het dis Liid gseh, Er weiss um dini Ängst, Er fühlt din Schmerz. I sotig Moment chan die Zuesag, dass de allmächtigi Gott dich und mich gseht, unglaublich viel bewürke. Obwohl sich d Umständ us üsere Sicht vilicht nöd verbesseret hend, chömmer üs dra festhebe, dass Gott, de Herr üs NIE allei loht!
Und sie nannte den Namen des HERRN, der mit ihr redete: Du bist ein Gott, der mich sieht. Denn sie sprach: Gewiss hab ich hier hinter dem hergesehen, der mich angesehen hat.
1. Mose 16:13
Songsheet mit Chords
Au musikalisch isch de Song probably de emotionalst. Es sind sehr atmosphärischi Kläng mit grosse Drums, fette E-Gitarre und gfühlvolle Vocals. D Strophene sind eher uf de persönliche Ebeni gschribe und sind grundsätzlich es Gebet, während de Chorus id Mir-Perspektive wechslet und Gott is Zentrum stellt. Ide Bridge gohts denn ganz klar um Heilig. Mir gebed üsen Glaube nöd uf, dass Gott heilt und üs möcht frei mache vo Chrankheit, Angst und Depression. AMEN!
Jahwe
Behind The Lyrics
Behind The Lyrics (PDF)
Gschribe während Corona-Quarantäne, stoht “Jahwe” für absoluti Dankbarkeit gegenüber Gott, üsem Versorger. Obwohl ich döt chrank gsi bin und viel Zit im Zimmer verbrocht han, bin ich mit allem versorgt gsi und s het mir a nüt gfehlt. De Song söll speziell für üs riche Schwizer e chlini Erinnerig dra sie, wie guet dases üs i dem Land eigentlich goht. Niemerd mue bi üs Hunger liide, jede Mensch het es Dach überem Chopf und mir dörfed üsen Glaube frei lebe und müend kei Verfolgig fürchte. Das dörfed mir trotz de Problem, wo üs klar au i dem Land begegned, nie vergesse.
“Seht die Vögel unter dem Himmel an: Sie säen nicht, sie ernten nicht, sie sammeln nicht in die Scheunen; und euer himmlischer Vater ernährt sie doch. Seid ihr denn nicht viel kostbarer als sie?”
Matthäus 6:26
Songsheet mit Chords
Musikalisch übernimmt de Song de Vibe vom Text. Es söll es fröhlichs danke sie und nöd es danke in Betroffeheit. Dankbarkeit heisst glichzitig au e Freud ufbringe für das wo Gott üs gschenkt het. Usserdem chan das au ganz im chline afange. Zum Bispiel Gott danke für de Sunneufgang, oder danke sege für e erfolgrichi Prüefig oder s Esse ufem Tisch.
En Afang
Behind The Lyrics
Behind The Lyrics (PDF)
D Hauptbotschaft vo “En Afang” isch ganz klar d Vergebig vo Sünd, insbesondere wiederkehrendi Sünde womer nöd in Griff überchömed. Do wird üs allne mindestens öpis in Sinn cho, wo i üsem Lebe falsch lauft. Das chönd Sache sie wie Sucht, Drogemissbruch, Pornographie, Hass aber au Stolz, Überheblichkeit oder Missgunst. Genau i dem inne seit Gott, egal wie volle dass s Fass isch, egal wie oft du verseit hesch, wenn du miteme reuende, ufrichtige Herz dini Fehler vor Ihm bekennsch und wötsch umchehre, wird Er dir vergeh. Au wenn du de Prozess scho 1000 mol durchlaufe hesch, Gott vergit, Gott heilt und Gott schenkt dir es neus Herz, wieder und wieder. Was für es Verspreche!
“Wenn wir aber unsre Sünden bekennen, so ist er treu und gerecht, dass er uns die Sünden vergibt und reinigt uns von aller Ungerechtigkeit.“
1. Johannes 1:9
“Denn die Sünde wird nicht herrschen über euch, weil ihr ja nicht unter dem Gesetz seid, sondern unter der Gnade.”
Römer 6:14
Songsheet mit Chords
Ide Strophene und ide Bridge wömmer Gott für die unendlichi Gnad danke und die Botschaft proklamiere. Vor allem d Bridge zieht s Lied miteme Tonlagewechsel nomol ine anderi Richtig. Jedes Chnü wird sich büüge und jedi Zunge bekenne, dass Jesus Christus Herr isch! De Glaube a Ihn isch de einzig Weg wo üs chan grecht mache vor Gott. Genau us dem Grund wönd mir nöd ufgeh und üs nöd gfange loh neh vo Sünd. Loh üs gmeinsam ufstoh und s nomol probiere. Da isch en Afang!
Die Godi Band
